World Bamboo Day 2024: আজি বিশ্ব বাঁহ দিৱস। বাঁহগাজৰ উপকাৰিতা বিষয়ে জানক

আজি বিশ্ব বাঁহ দিৱস৷ এই ঘাঁহজাতীয় ওখ গছবিধে পৰিৱেশৰ ভাৰসাম্যতা ৰক্ষা কৰাকে ধৰি অৰ্থনৈতিক আৰু সাংস্কৃতিক দিশত উল্লেখযোগ্য ভূমিকা গ্ৰহণ কৰে৷ কাগজৰ পৰা গৃহ নিৰ্মাণ, ঘৰুৱা সামগ্ৰীৰ পৰা আচবাব আদি বিভিন্ন কামত বাঁহৰ প্ৰয়োজনীয়তাক সকলোৱে গুৰুত্ব দি আহিছে৷ ‘দুখীয়া মানুহৰ কাঠ’ আৰু ‘সেউজীয়া সোণ’ বুলি জনাজাত বাঁহগছ।(Today is World Bamboo Day 2024 bamboo shoot benefits)

এই বাঁহগছৰ শিপা অগণন ঔষধি গুণৰ বাবে জনাজাত। আচাৰৰ পৰা আৰম্ভ কৰি পানীয়লৈকে উত্তৰ-পূবৰ খাদ্যত বিভিন্ন ধৰণে ব্যৱহাৰ কৰা হয়। বাঁহৰ শিপাক বাঁহৰ গাজ বুলিও কোৱা হয়।

বাঁহগাজত কেলৰি কম আৰু ওজন কমাবলৈ অনুকূল বুলি গণ্য কৰা হয়। ১ কাপ বাঁহৰ গাঁজত প্ৰায় ১৩ কেলৰি আৰু আধা গ্ৰাম চৰ্বি থাকে। ইয়াৰ উপৰিও ডায়েটাৰী ফাইবাৰৰ পৰিমাণ বেছি, যিয়ে হজম শক্তিত সহায় কৰে।(bamboo shoot)

সাপ আৰু অন্যান্য বিষাক্ত জীৱৰ কামোৰৰ বিষৰ বাবে বাঁহৰ শিপাৰ ৰস অতি উপকাৰি। আয়ুৰ্বেদৰ মতে সতেজ বাঁহৰ ৰস ঘাঁত লগালে বিষ বাহিৰলৈ ওলাই যোৱাত সহায় কৰে। কিন্তু সাপে কামুৰিলে সদায় প্ৰথমে চিকিৎসকৰ পৰামৰ্শ ল’ব লাগে।

বাঁহগাজত প্ৰচুৰ পৰিমাণে ভিটামিন আৰু অন্যান্য যৌগ থাকে যিয়ে হাওঁফাওঁ শক্তিশালী আৰু কাৰ্য্যক্ষমতাত সহায় কৰে।

বাঁহৰ গাজত ইনুলিন নামৰ আঁহ এটা থাকে। ইনুলিনে গ্লুক’জ শোষণ লেহেমীয়া কৰি তেজৰ চেনিৰ মাত্ৰা হ্ৰাস কৰাত সহায় কৰে। কোৱা হয় যে বাঁহৰগাজ নিয়মীয়াকৈ খালে তেজত চেনিৰ মাত্ৰা নিয়ন্ত্ৰণ কৰাত সহায়ক হয়।

ইয়াৰ উপৰিও ইয়াত ফাইটোষ্টেৰল আৰু ফাইটোনিউট্ৰিয়েণ্ট থাকে যিয়ে বন্ধ ধমনী পৰিষ্কাৰ কৰাত সহায় কৰে আৰু বেয়া বা এল ডি এল কলেষ্টেৰল দ্ৰৱীভূত কৰে।

ইয়াত প্ৰচুৰ পৰিমাণে ভিটামিন আৰু খনিজ পদাৰ্থ থাকে, যিয়ে ৰোগ প্ৰতিৰোধ ক্ষমতা বৃদ্ধিত সহায় কৰে। শীতকালত বাঁহগাজ খালে ভাইৰাছ আৰু বেক্টেৰিয়াৰ সংক্ৰমণৰ পৰা ৰক্ষা কৰাত সহায় কৰে।