দৈনন্দিন বাৰ্তা ডিজিটেল ডেস্কঃ পঞ্জাৱত বিষাক্ত মদ্যপান কৰি মৃত্যু হোৱা লোকৰ সংখ্যা বৃদ্ধি পাই আছে৷ শনিবাৰৰ তথ্য মতে বিষাক্ত মদ পান কৰি মৃত্যু হোৱা লোকৰ সংখ্যা ৫৭ জনলৈ বৃদ্ধি পালে৷ প্ৰাপ্ত তথ্য মতে তৰেণ তাৰাণ জিলাত ৩৭ জন লোকৰ মৃত্যু হৈছে৷ আনহাতে অমৃতসৰত ১২ আৰু বাতালাত ৮ জন লোক বিষাক্ত মদ পান কৰা মৃত্যু হৈছে৷ উল্লেখ্য যে এই ঘটনাত জড়িত থকাৰ অভিযোগত বৰ্তমানলৈকে ১০জন লোকক কৰায়ত্ত কৰা হৈছে৷ ইতিমধ্যে পঞ্জাৱৰ মুখ্যমন্ত্ৰীয়ে এই ঘটনাৰ তদন্তৰ নিৰ্দেশ দিছে৷ ইপিনে শুকুৰবাৰে অমৃতসৰৰ গাঁও, বতলা আৰু তৰণ তাৰাণ জিলাৰ পৰা সাতজন বেআইনীভাৱে মদ সৰবৰাহ কৰা সাতজন লোকক আৰক্ষীয়ে গ্ৰেপ্তাৰ কৰাৰ লগতে জ্যেষ্ঠ আৰক্ষী বিষয়াৰ নেতৃত্বত পাঁচটা দলে ৪০ ঠাইত অভিযান চলায়৷ আৰক্ষীৰ অভিযানত বৃহৎ পৰিমাণৰ অবৈধ মদ, ড্ৰাম আদি জব্দ কৰে৷
