অচিনাক্ত বাহনৰ খুন্দাত কৰুণ মৃত্যু এটা লতামাকৰী বাঘৰ৷
কাকৈজানাৰ মাজেৰে পাৰ হৈ যোৱা ১১৭ নং ৰাষ্ট্ৰীয় ঘাইপথত এই ঘটনা সংঘটিত হয়৷
কাকৈজানা সংৰক্ষিত বনাঞ্চলৰ মাজেৰে পাৰ হৈ যোৱা এই পথচোৱা দ্ৰুতবেগী বাহনবোৰ জীৱ-জন্তুৰ বাবে হৈ পৰিছে যমদূত৷
তাৰ পৰিণতিতে আজি এই ঘটনা সংঘটিত হয়।
অনুমান কৰা হৈছে পুৱতি নিশা কোনো দ্ৰুত বাহনৰ খুন্দাত এই লতামাকৰী বাঘটোৰ মৃত্যু হয়৷
বাঘটো মতা আৰু প্ৰাপ্তবয়স্ক বুলি জানিব পৰা গৈছে৷
উল্লেখ্যযোগ্য যে পৰিবহণ বিভাগে এই পথচোৱাত বাহনৰ গতি ঘন্টাত ৪০ কিঃমিঃ নিৰ্ধাৰণ কৰিছে যদিও সেয়া অধিকাংশ বাহনেই মানি নচলে বুলি অভিযোগ আছে৷