তুলসীৰ স্বাস্থ্যৰ বাবে অতি উপকাৰী। দৈনিক পাঁচটা তুলসীৰ পাত চোবাই খালে শৰীৰে বহু ৰোগৰ পৰা সকাহ পাব পাৰে।(Tulsi) তুলসী উদ্ভিদৰ ধৰ্মীয় গুৰুত্বই নহয়, স্বাস্থ্যৰ দৃষ্টিকোণৰ পৰাও অতি উপকাৰী। আয়ুৰ্বেদত তুলসীৰ পাতক ‘ঔষধৰ ৰাণী’ বুলি কোৱা হয়। তুলসীত ভিটামিন চি, এন্টিঅক্সিডেন্ট, এন্টিবেক্টেৰিয়েল আদি গুণ থাকে।
পুৱা খালী পেটত প্ৰতিদিনে পাঁচটাকৈ তুলসীৰ পাত চোবাই খালে আপোনাৰ শৰীৰৰ পৰা এটা এটাকৈ বহুতো ৰোগ নাইকিয়া কৰিব তুলসীয়ে। আপুনি তুলসীৰ পাত খোৱাৰ এনে কিছুমান উপকাৰৰ বিষয়ে জানি লওক-
তুলসীৰ পাতত প্ৰাকৃতিক এন্টিবেক্টেৰিয়েল আৰু এন্টিভাইৰেল গুণ থাকে, যিয়ে শৰীৰত হোৱা ভাইৰাছৰ সংক্ৰমণ দূৰ কৰাত সহায় কৰে। নিয়মিতভাৱে তুলসীৰ পাত চোবাই খালে ভাইৰেল জ্বৰৰ দৰে সমস্যা কমাব পাৰে আৰু শৰীৰ সোনকালে সুস্থ হৈ উঠিব পাৰে।(Health Benefits of Tulsi)
তুলসীৰ পাতে চৰ্দি, কাহ আৰু ফ্লুৰ পৰা সকাহ দিয়ে। এই পাতৰ আয়ুৰ্বেদিক গুণ আছে যিয়ে শ্বাস-প্ৰশ্বাসতন্ত্ৰ শক্তিশালী কৰি ৰখাত আৰু শ্বাস-প্ৰশ্বাসৰ নলী পৰিষ্কাৰ কৰি ৰখাত সহায় কৰে।
তুলসী পাতে পেট পৰিষ্কাৰ কৰি ৰখাত আৰু পাচন শক্তি উন্নত কৰাত সহায় কৰে। এই পাতবোৰৰ প্ৰদাহ নিবাৰণকাৰী গুণ থাকে, যাৰ ফলত পেটৰ ফুলা কম হয় আৰু গেছ, কোষ্ঠকাঠিন্য আদি সমস্যা দূৰ কৰাত সহায়ক হয়।(Digestive problems)
তুলসীৰ পাত খালে মানসিক চাপ কমোৱাত সহায়ক হয়। তুলসীত ‘আদ্ৰক’ নামৰ এবিধ উপাদান থাকে যিয়ে মানসিক শান্তি আৰু স্থিৰতা অনাত সহায় কৰে।(Relief from stress)
তুলসীৰ পাত খালে তেজত শৰ্কৰাৰ মাত্ৰা নিয়ন্ত্ৰণ কৰাত সহায় কৰে। ই শৰীৰত ইনচুলিনৰ প্ৰভাৱ উন্নত কৰে, যাৰ বাবে ডায়েবেটিছৰ সমস্যা নিয়ন্ত্ৰণ কৰিব পৰা যায়।