শ্ৰীমন্ত শংকৰদেৱ সংঘৰ ওদালগুৰি জিলা শাখাৰ বিংশতি তম বাৰ্ষিক অধিৱেশনখনি অহা ১৮ আৰু ১৯ জানুৱাৰীত দুদিনীয়া বৰ্ণাঢ্য কাৰ্যসূচীৰে বিউটি ৰাণী সোঁৱৰণী ক্ষেত্ৰ,(Udalguri)বৰপুখুৰী প্ৰাথমিক শাখাত অনুষ্ঠিত হ’ব। কাৰ্যসূচী অনুসৰি ১৮ জানুৱাৰীৰ পুৱা প্ৰাতঃপ্ৰসঙ্গ, শৰাই অৰ্পণ, নাম প্ৰসঙ্গ, গছপুলি ৰোপণ, মূল তোৰণ,অতিথি শালা, সেৱা বাহিনীৰ অস্থায়ী কাৰ্যালয় জিৰণি চ’ৰা, ভোজনালয়, প্ৰতিনিধি শিবিৰ,বিউটি ৰাণী সোঁৱৰণী ক্ষেত্ৰ আৰু মূল মঞ্চ উম্মোচন কৰিব কেইবাজনো বিশিষ্ট লোকে। (Srimanta Sankardeva Sangha)
তদুপৰি সংঘৰ কেন্দ্ৰীয় সেৱা বাহিনীৰ মনোনীত সদস্য সৌৰভ ঠাকুৰীয়াই সেৱা বাহিনীৰ সাধাৰণ পৰিষদৰ সভা উদ্বোধন কৰাৰ পিছতেই জিলা শিশু, আই মাতৃ কল্যাণ সমিতিৰ সভা উদ্বোধন কৰিব কল্যাণ সমিতিৰ সদস্যা লক্ষীপ্ৰিয়া চহৰীয়াই, সাহিত্য আৰু সাংস্কৃতিক উপ সমিতিৰ সভা উদ্বোধন কৰিব সঙ্ঘৰ ওদালগুৰি জিলা শাখাৰ প্ৰাক্তন উপ সভাপতি ভূপেন নাথে, বিয়লি ২ বজাত শ্ৰীমন্ত শংকৰদেৱ সঙ্ঘৰ ওদালগুৰি জিলা শাখাৰ সভাপতি শশীন্দ্ৰ মোহন নাথৰ সভাপতিত্বত অনুষ্ঠিতব্য প্ৰতিনিধি সভা উদ্বোধন কৰিব সঙ্ঘৰ বিত্ত উপ সমিতিৰ সম্পাদক বিষ্ণু ঠাকুৰীয়াই।
তদুপৰি ৫ বজাত বন্তি প্ৰজ্বলন, ৬ বজাত গোপাল চন্দ্ৰ কেওট সোঁৱৰণী সাংস্কৃতিক অনুষ্ঠান উদ্বোধন কৰিব ওদালগুৰি জিলা সাংস্কৃতিক শাখাৰ সভাপতি কনক চন্দ্ৰ ডেকাই। নিশা ৮ বজাত অজাগড় প্ৰাথমিক শাখাৰ শিল্পী বৃন্দৰ দ্বাৰা অংকীয়া ভাওনা ‘পাৰিজাত হৰণ’ উদ্বোধন কৰিব ওদালগুৰি জিলা শাখাৰ বিদায়ী সভাপতি শশীন্দ্ৰ মোহন নাথে। ১৯ জানুৱাৰীত পৰম্পৰাগত কাৰ্যসূচীৰ লগতে পুৱা ৯ বজাত ধৰ্ম ধ্বজা উত্তোলন কৰিব সংঘৰ ওদালগুৰি জিলা শাখাৰ নৱ নিৰ্বাচিত সভাপতি জীৱন চন্দ্ৰ চহৰীয়াই, ৯-৩০ বজাত ভাগৱত শোভাযাত্ৰা উদ্বোধন কৰিব ওদালগুৰি জিলা প্ৰচাৰ শাখাৰ সভাপতি চক্ৰধৰ নাথে,১১ বজাত দিহানাম আৰু থিয়নাম প্ৰদৰ্শন কৰা হব।
দুপৰীয়া ১২ বজাত নৱনিৰ্বাচিত সভাপতি জীৱন চন্দ্ৰ চহৰীয়াৰ সভাপতিত্বত আৰু পশ্চিম মঙলদৈ জাতীয় বিদ্যালয়ৰ অধ্যক্ষ পুৰন্দৰ বৰুৱাই উদ্বোধন কৰিবলগীয়া মুকলি সভাত সঙ্ঘৰ প্ৰচাৰ শাখাৰ প্ৰাক্তন সদস্য অমূল্য ৰাজবংশীয়ে নিৰ্দিষ্ট বক্তাৰ ভাষণ প্ৰদান কৰিব। অসম বিধানসভাৰ অধ্যক্ষ বিশ্বজিৎ দৈমাৰীয়ে মুখ্য অতিথিৰ আসন অলংকৃত কৰিবলগীয়া সভাখনত স্মৃতিগ্ৰন্থ উন্মোচন কৰিব বিশিষ্ট সাংস্কৃতিক সংগঠক তৰুণ আজাদ ডেকাই। সভাখনত কেইবাগৰাকীও জনপ্ৰতিনিধি, সংঘৰ বিষয়ববীয়া আৰু বিশিষ্ট লোকে অতিথি হিচাপে অংশগ্ৰহণ কৰিব।