নাজিৰাৰ ধিতাইপুখুৰী বাকচু কোচ গাঁৱলৈ গৌৰৱ কঢ়িয়াই আনে উদীতা ঈশানী কাকতীয়ে : ৰামানুজন জুনিয়ৰ কলেজৰ পৰা সপ্তম স্হান লাভ ।

নাজিৰা: নাজিৰাৰ সমীপৰ ধিতাইপুখুৰী বাকচু কোছ গাঁৱৰ ত উখল মাখল পৰিবেশ ৷আজি ঘোষিত উচ্চতৰ মাধ্যমিক কলা শাখাত অসমৰ ভিতৰত ৰামানুজন জুনিয়ৰ কলেজৰ পৰা পৰীক্ষা দি সপ্তম স্হান লাভ কৰি গৌৰব কঢ়িয়াই আনিছে ৷ বিহু নৃত্য ,সত্ৰীয়া নৃত্যত পাৰ্গত উদীতা ঈশানীয়ে সাফল্যৰ আৰত ককাকৰ সহায়ৰ কথা উল্লেখ কৰে ৷উদীতা ঈশানীয়ে অসমীয়াত ৯৮ ,ইংৰাজীত ৮৭ ,অৰ্থনীতিত ৯৪ ,ৰাজনীতি বিজ্ঞানত ৯৫ ,সমাজতত্বত ৯৫ আৰু শিক্ষাতত্বত ৯১ নম্বৰসহ ৯৩.৮% লাভ কৰে ৷ হাহচৰাৰ ডিমুৱাল বিদ্যাভবনৰ পৰা উচচ মাধ্যমিক চুড়ান্ত পৰীক্ষাত অলপৰ বাবে স্হান লাভৰ পৰা বঞ্চিত উদীতা ঈশানীয়ে এইবাৰ কঠোৰ পৰিশ্ৰম কৰি ৰামানুজনৰ পৰা স্হান কৰিবলৈ সক্ষম হয় ৷ ককাক আৰু মাতৃৰ প্ৰেৰণাত ,ফেচবুকহীন ভাবে একাগ্ৰতাৰে পঢ়ি অঞ্চলটোলৈ গৌৰৱ কঢ়িয়াই অনাৰ বাবে আজি উদীতা ঈশানীৰ ঘৰত বহু ৰাইজ উপস্থিত হৈ শুভেচ্ছা জনায় ।