নগৰবেৰাত শনিবাৰে এক অতৰ্কিত অভিযান চলাই অপৰাধ অনুসন্ধান শাখাৰ এটা দলে নগৰবেৰা বজাৰৰ মান্নান বীজ-সাৰৰ দোকানত তালাচী চলাই সাৰৰ বিক্ৰী বিসংগতিৰ বাবে প্ৰতিষ্ঠান খনত তলা লগোৱাৰ উপৰি দোকানী মান্নান আলীক আটক কৰি জিম্মালৈ নিয়ে।প্ৰতিষ্ঠান খনত দীৰ্ঘদিনৰে পৰা ইউৰিয়া সাৰৰ বিক্ৰী বিসংগতি চলি থকাৰ অভিযোগ।পিছে পৰৱৰ্তী তদন্তৰ খাটিৰতেই অভিযানকাৰী দলে কোনো তথ্যই প্ৰকাশ নকৰিলে সাংবাদিকৰ আগত ,আনকি যিকোনো লোকৰে প্ৰবেশ নিষিদ্ধ কৰি ব্যৱসায়িক প্ৰতিষ্ঠান খনত দলটিয়ে চলায় ৰুদ্ধদ্বাৰ অভিযান।
অৱশেষত প্ৰতিষ্ঠান খনৰ স্বত্বাধিকাৰী মান্নান আলীক গাড়ীত তুলি নিয়াৰ পাছতহে পোহৰলৈ আহে ঘটনাৰ আচল ছবিখন।