ধুবুৰী জিলাৰ চাপৰ চক্ৰৰ অন্তৰ্গত শ্ৰী গ্ৰাম ষষ্ঠ খণ্ড( খেৰডুবী ) ত যোৱা ১৬/৮/২০১৩ ইং তাৰিখত এক লোমহৰ্ষক হত্যাকাণ্ড সংঘঠিত হৈছিল। উক্ত ঘটনাটোত ছয় জনীয়া দল এটাই শ্ৰী গ্ৰাম ষষ্ঠ খণ্ডৰ নিবাসী ছামছুল হকৰ ডাঙৰ পুত্র ৰুনজুন হকক চোকা অস্ত্ৰৰে উপৰ্যুপৰি আক্ৰমণ কৰাৰ লগতে দ্বিতীয় পুত্র মুনমুন হককো আঘাত প্ৰাপ্ত কৰিছিল। কিন্তু দূৰ্ভাগ্যক্ৰমে ছামছুল হকৰ ডাঙৰ পুত্ৰ ৰুণজুন হকে মৃত্যুক সাৱটি লব লগা হৈছিল। উল্লেখ্য যে উক্ত ঘটনা সন্দৰ্ভত দাখিল কৰা ১০৯/১৫ নম্বৰৰ গোচৰটো ইতিমধ্যে সুদীর্ঘ ৮ বছৰ ধৰি ন্যায়ালয়ত বিচাৰ প্ৰক্ৰিয়া চলি আছে । অতি কম দিনৰ ভিতৰত ৰায় ঘোষণা হোৱাৰ সময়লৈ ন্যায়বিচাৰৰ অপেক্ষাত দুৰ্ভোগীয়া পিতৃ-মাতৃয়ে ন্যায়ালয়ৰ প্ৰতি আস্থা আৰু বিশ্বাস বুকত বান্ধি লৈ পুত্র হত্যা কাৰী কালপ্ৰীত সকলোৰ উচিত শাস্তি প্ৰদানৰ বাবে ন্যায়ালয়ৰ ওচৰত প্ৰাৰ্থনা জনায়। লগতে কয় যে ন্যায়ালয়ৰ ওচৰত তেখেতসকলৰ সম্পূৰ্ণ আস্থা আৰু বিশ্বাস আছে।
এতিয়া ন্যায়ালয়ে উভয় পক্ষৰ স্বাক্ষী প্ৰমাণৰ ভিত্তিত কি ৰায় প্ৰদান কৰে সেয়া হব লক্ষনীয়
ন্যায়ৰ অপেক্ষাত দুৰ্ভগীয়া পিতৃ-মাতৃ : দোষিক উপযুক্ত শাস্তি প্ৰদানৰ অনুৰোধ
