ডিব্ৰুগড়ত কেন্দ্ৰীয় মন্ত্ৰী সৰ্বানন্দ সোনোৱাল

ডিব্ৰুগড়ত গৃহনিৰ্মাণ আৰু নগৰ পৰিক্ৰমা বিভাগ, ডিব্ৰুগড় উন্নয়ন প্ৰাধিকৰণ আৰু গাঁও পৰিকল্পনা বিভাগৰ সৌজন্যত প্ৰধানমন্ত্ৰী আৱাস যোজনাৰ চহৰাঞ্চলৰ হিতাধীকাৰীসকলৰ মাজত চেক বিতৰণ। প্ৰাক্তন মুখ্যমন্ত্ৰী তথা কেন্দ্ৰীয় বন্দৰ, জাহাজ, জল পৰিবহণ আৰু আয়ুস বিভাগৰ মন্ত্ৰী সৰ্বানন্দ সোনোৱালে আনুষ্ঠানিকভাৱে উক্ত চেক বিতৰণ কাৰ্যসূচীৰ শুভাৰম্ভ কৰে।ডিব্ৰুগড় চহৰৰ প্ৰধানমন্ত্ৰী আৱাস যোজনাৰ প্ৰকল্প সঞ্চালক বিশ্বজিত ভূঞাই আদৰণি ভাষণ প্ৰদান কৰা এই অনুষ্ঠানত ডিব্ৰুগড় নগৰ উন্নয়ন প্ৰাধিকৰণৰ অধ্যক্ষ অসীম হাজৰিকাই প্ৰধানমন্ত্ৰী আৱাস যোজনা আচনিৰ সন্দৰ্ভত বক্তব্য প্ৰদান কৰে। তদুপলক্ষে স্থানীয় কাছাৰীবাৰী আউনীআটী শাখা সত্ৰৰ প্ৰেক্ষাগৃহত আয়োজিত সজাগতা অনুষ্ঠানত ডিব্ৰুগড়ৰ বিধায়ক প্ৰশান্ত ফুকন, ডিব্ৰুগড় উন্নয়ন প্ৰাধিকৰণৰ অধ্যক্ষ অসীম হাজৰিকা, ভাৰপ্ৰাপ্ত উপায়ুক্ত সঞ্জয় দত্ত, আৰক্ষী অধীক্ষক শ্বেতাংগ মিশ্ৰাৰ লগতে জিলা পৰিষদৰ উপ সভানেত্ৰী পুষ্পাঞ্জলি সোনোৱাল আৰু মানকটা, চিৰিং দাইনিজান, ৰজাভেটা, বৰপথাৰ আৰু খনিকৰ পঞ্চায়তৰ সভাপতি ক্ৰমে দীপামণি হাজৰিকা, মনোজ সোনোৱাল, সঞ্জীৱ হাজৰিকা, কন্ঠশিল্পী বিপিন চাউদাং আদিকে ধৰি বহুকেইগৰাকী বিশিষ্ট ব্যক্তিয়ে উপস্থিত থাকে। উল্লেখ্য যে প্ৰধান মন্ত্ৰী আৱাস যোজনা, চহৰাঞ্চলৰ অধীনত প্ৰায় দুই শতাধিক হিতাধিকাৰীক প্ৰথম কিস্তিৰ ধনৰাশি প্ৰদান কৰা হয়।