বিজেপি সভালৈ বুলি উলাই গৈ মৃতদেহ হৈ ঘৰলৈ ঘুৰি আহিল ৰহা সমষ্টিৰ দীঘলদৰি গাওঁ পঞ্চায়তৰ ১ নং ৱাৰ্ডৰ বাসিন্দা উপেন চন্দ্ৰ নাথ। ঘটনাৰ বিৱৰণী মতে ৰহা সমষ্টিৰ দীঘলদৰি গাওঁ পঞ্চায়তৰ ১ নং ৱাৰ্ডৰ বাসিন্দা উপেন চন্দ্ৰ নাথে বৰদোৱাত অনুষ্ঠিত হোৱা কেন্দ্ৰীয় গৃহ মন্ত্ৰী অমৃত শ্বাহৰ সভালৈ বুলি স্থানীয় বিজেপিৰ কৰ্মীৰ লগত গৈ সভাত উপস্থিত থাকি বিয়লি ২ মান বজাত পথ অতিক্ৰম কৰিবৰ সময়ত বিপৰীত দিশৰ পৰা অহা এখন বাছৰ খুন্দাত গুৰুত্বৰ ভাবে আহত হয়।
স্থানীয় আৰক্ষীৰ সহযোগত ততাতৈয়াকৈ নগাঁও অসামৰিক চিকিৎসালয়ত ভৰ্তি কৰা হয় যদিও উন্নত চিকিৎসাৰ বাবে গুৱাহাটী চিকিৎসা মহাবিদ্যালয়ত ভৰ্তি কৰে যদিও চিকিৎসাধীন অবস্হাত উপেন চন্দ্ৰ নাথৰ মৃত্যু ঘটে । বিয়লি উপেন চন্দ্ৰ নাথৰ মৃতদেহ ঘৰলৈ আহি পোৱাত কান্দোনত ভাগি পৰে পৰিয়াল আত্মীয়।
এজন সাধাৰণ খেতি বাতি কৰি পৰিয়ালটো পোহপাল দিয়া তথা ঘৰ খনৰ একমাত্ৰ উপাৰ্জনকাৰী ব্যক্তি জনৰ কৰুণ মৃত্যুত ঘৰ খনলৈ অমানিশা নামি আহিব বুলি স্থানীয় ৰাইজে জানিব দিয়াৰ লগতে ঘৰ খনৰ এজন ব্যক্তিক সংস্হাপন দিবলৈ চৰকাৰৰ ওচৰত দাবী উত্থাপন কৰিছে । মৃত উপেন চন্দ্ৰ নাথে পত্নী তিনি জন পুত্ৰ আৰু এগৰাকী অষ্টম শ্ৰেণীত পঢ়ি থকা কন্যাক ইহ সংসাৰত এৰি থৈ গৈছে ।