সঘনাই প্ৰস্ৰাৱ কৰিব লগা সমস্য়াটো সাধাৰণ সমস্যা যেন লাগিব পাৰে, কিন্তু ই আপোনাৰ স্বাস্থ্যৰ বিষয়ে গুৰুতৰ ইংগিত দিব পাৰে। দিনটোত যদি আপুনি বাৰে বাৰে শৌচাগাৰলৈ যায় বা আনকি ৰাতিও যদি আপুনি বাৰে বাৰে উঠে প্ৰস্ৰাৱ কৰিবলৈ, তেন্তে এই সমস্যাক আওকাণ নকৰিব। কিয়নো ইয়াৰ ফলত আপোনাৰ শৰীৰত কিছুমান ডাঙৰ পৰিৱৰ্তন হোৱাৰ লক্ষণ হ’ব পাৰে।(urine)
এজন সুস্থ ব্যক্তিয়ে দিনটোত ৬-৭ বাৰ প্ৰস্ৰাৱ কৰে আৰু দিনটোত ৪ৰ পৰা ১০ বাৰ প্ৰস্ৰাৱ কৰাটোও স্বাভাৱিক বুলি গণ্য কৰা হয়। সাধাৰণতে ৰাতি এবাৰ প্ৰস্ৰাৱ কৰিব লাগে। কিন্তু যদি আপুনি ইয়াতকৈ বেছিকৈ প্ৰস্ৰাৱ কৰে তেন্তে ই কোনো সমস্যাৰ লক্ষণ হ’ব পাৰে।
সঘনাই প্ৰস্ৰাৱ কৰাৰ বাবে-
প্ৰস্ৰাৱৰ সংক্ৰমণ (UTI): প্ৰস্ৰাৱ কৰাৰ সময়ত যদি জ্বলা-পোৰা বা বিষ হয় তেন্তে ই UTI ৰ লক্ষণ হ’ব পাৰে।
ডায়েবেটিছঃ সঘনাই প্ৰস্ৰাৱ কৰাটো তেজৰ চেনিৰ নিয়ন্ত্ৰণহীনতাৰ লক্ষণ হ’ব পাৰে।
অতি সক্ৰিয় মূত্ৰাশয়: সঘনাই প্ৰস্ৰাৱ কৰিবলৈ মন গ’লেও কম পৰিমাণে প্ৰস্ৰাৱ কৰিলে অতি সক্ৰিয় মূত্ৰাশয়ৰ লক্ষণ হ’ব পাৰে।
গৰ্ভাৱস্থাঃ গৰ্ভাৱস্থাত হৰম’নৰ পৰিৱৰ্তন আৰু মূত্ৰাশয়ত চাপৰ বাবে এই সমস্যা হ’ব পাৰে।
অত্যধিক পানী বা কেফেইন খোৱাঃ অত্যধিক পানী, চাহ, কফি বা মদ খালেও প্ৰস্ৰাৱৰ উৎপাদন বৃদ্ধি পাব পাৰে।
প্ৰস্ৰাৱৰ উৎপাদন কম হোৱাৰ বাবে-
ডিহাইড্ৰেচন: পৰ্যাপ্ত পৰিমাণৰ পানী নোখোৱাৰ ফলত প্ৰস্ৰাৱৰ পৰিমাণ কমি যায়।
বৃক্কৰ সমস্যাঃ বৃক্কৰ পাথৰ বা সংক্ৰমণে প্ৰস্ৰাৱৰ উৎপাদনত প্ৰভাৱ পেলাব পাৰে।
প্ৰস্ৰাৱ বন্ধ হোৱা: প্ৰষ্টেট বা শিৰাৰ লগত জড়িত সমস্যাৰ বাবে মূত্ৰাশয় সম্পূৰ্ণৰূপে খালী হ’ব নোৱাৰে।
ডাক্তৰৰ পৰামৰ্শ কেতিয়া লব লাগে?
যদি প্ৰস্ৰাৱৰ পৰিমাণৰ হঠাৎ পৰিৱৰ্তন হয় বা প্ৰস্ৰাৱ কৰাৰ সময়ত বিষ, জ্বলা-পোৰা বা তেজ দেখা যায় তেন্তে তৎক্ষণাত চিকিৎসকৰ সৈতে যোগাযোগ কৰিব। প্ৰস্ৰাৱৰ ৰং পাতল হালধীয়া হ’ব লাগে। গাঢ় হালধীয়া বা ৰঙা ৰঙৰ প্ৰস্ৰাৱ এটা গুৰুতৰ সমস্যাৰ লক্ষণ হ’ব পাৰে।
মূত্ৰাশয় সুস্থ কৰি ৰখাৰ পৰামৰ্শ
- দৈনিক ৮-১০ গিলাচ পানী খাব লাগে।
- চাহ, কফি আৰু মদৰ সেৱন কমাব।
- পেলভিক ফ্ল’ৰৰ ব্যায়াম কৰক।
- সুষম খাদ্য গ্ৰহণ আৰু নিয়মিতভাৱে শাৰীৰিক ক্ৰিয়া-কলাপ কৰক।