মুম্বাইৰ এক আড়ম্বৰপূৰ্ণ অঞ্চলৰ এটা ধুনীয়া আৰু দামী বাসগৃহ ক্ৰয় কৰে অভিনেত্ৰী উৰ্বশী ৰাউটেলাই। খবৰ অনুসৰি উৰ্বশীয়ে যি বাসগৃহ কৰিছে তাৰ মূল্য ১৯০ কোটি টকা। বলীউডৰ অভিনেত্ৰী উৰ্বশী ৰাউটেলা পেছাদাৰীতকৈ ব্যক্তিগত জীৱনৰ বাবে অধিক শিৰোনাম দখল কৰে। শেহতীয়াকৈ উৰ্বশী ৰাউটেলা নতুন ঘৰক লৈ লাইমলাইটৰ অংশ হৈ পৰিছে। উৰ্বশী ৰাউটেলা এতিয়া প্ৰবীণ চলচ্চিত্ৰ নিৰ্মাতা যশ চোপ্ৰাৰ প্ৰতিবেশী হৈ পৰিছে। মুম্বাইৰ আড়ম্বৰপূৰ্ণ অঞ্চল জুহুত অভিনেত্ৰী উৰ্বশী ৰাউটেলাই ঘৰ ক্ৰয় কৰিছে, য’ত লেভিছ গাৰ্ডেনৰ পৰা পাৰ্ছনেল জিমলৈকে সকলো সুবিধা উপলব্ধ।
উৰ্বশীয়ে বহুদিন ঘৰ বিচাৰি আছিল! খবৰ অনুসৰি উৰ্বশী ৰাউটেলাই প্ৰায় ৭-৮ মাহ ধৰি নতুন ঘৰ বিচাৰি আছিল। উৰ্বশী ৰাউটেলাৰ নতুন ঘৰৰ সৈতে জড়িত বহু খবৰ ছ’চিয়েল মিডিয়াত ভাইৰেল হৈ পৰাৰ লগতে ঘৰৰ মূল্যৰ সন্দৰ্ভতো বিভিন্ন দাবী উত্থাপন হৈছে। অভিনেত্ৰী উৰ্বশী ৰাউটেলাক তেওঁৰ গ্লেমাৰাছ ষ্টাইলেৰে তেওঁৰ ফিল্ম-ৱেব ছিৰিজতকৈও বেছি ইণ্টাৰনেটত শিৰোনাম দখল কৰা দেখা যায়। শেহতীয়াকৈ কাঁন ২০২৩ উৎসৱত অংশ লৈছিল উৰ্বশী ৰাউটেলাই। য’ত কুমিৰৰ হাৰটো লাইমলাইটত আছিল উৰ্বশী। অভিনেত্ৰীগৰাকীৰ প্ৰতিটো লুক কাঁন ২০২৩ত বহু চৰ্চিত হৈছিল। যদি আমি উৰ্বশী ৰাউটেলাৰ ৱৰ্ক ফ্ৰণ্টলৈ চাওঁ তেন্তে শেহতীয়াকৈ অভিনেত্ৰীগৰাকীয়ে ইন্সপেক্টৰ অবিনাশ নামৰ এখন ৱেব ছিৰিজত অভিনয় কৰিছে। খবৰ যদি বিশ্বাস কৰিব লাগে তেন্তে পাৰবীন বাবীৰ বায়’পিক ছবিৰ কামো কৰি আছে অভিনেত্ৰীগৰাকীয়ে।