অভিনয়ৰ পৰা বিৰতি ল’লে বলিউডৰ অভিনেতা বিক্ৰান্ত মেছিয়ে। সামাজিক মাধ্যমৰ জৰিয়তে এইকথা জনালে অভিনেতাগৰাকীয়ে। বহু জনপ্রিয় চলচ্চিত্ৰত কাম কৰিছিল অভিনেতাজনে। (Vikrant Massey)
12th FAIL, SECTOR 36, LOVE HOSTELৰ দৰে জনপ্রিয় চলচ্চিত্ৰত কাম কৰিছিল। ২০২৫ চনত শেষবাৰৰ বাবে ছবিত দেখিবলৈ পোৱা যাব বিক্ৰান্তক। সামাজিক মাধ্যমৰ জৰিয়তে অভিনয়ৰ পৰা অৱসৰ ঘোষণা বিক্ৰান্তৰ।(Vikrant Massey Retirement Announcement)
পৰিয়ালৰ প্ৰতি থকা দায়িত্ব পালনৰ বাবে অভিনয়ৰ পৰা বিৰতি লোৱাৰ কথা ঘোষণা কৰে বিক্ৰান্তে। ইখনৰ পিছত সিখনকৈ বহু জনপ্ৰিয় ছবি দৰ্শকক উপহাৰ দিছিল। ইফালে অভিনেতা বিক্ৰান্ত মেছিয়ে হঠাতে অৱসৰৰ কথা ঘোষণা কৰে। সমগ্ৰ দেশৰ অগণন অনুৰাগীক স্তম্ভিত কৰি তুলিছে ‘সাবৰমতী’ অভিনেতাগৰাকীয়ে এনে এটা পোষ্টে। বিক্ৰান্তই ৩৭ বছৰ বয়সত ছবি জগতৰ পৰা অৱসৰৰ কথা ঘোষণা কৰে।
যোৱা বছৰ বিক্ৰান্ত মেছিয়ে ‘12th fail’ চিনেমাত অভিনয় কৰি যথেষ্ট প্ৰশংসা লাভ কৰিছিল। ভাৰতীয় আই পি এছ বিষয়া মনোজ কুমাৰ শৰ্মাৰ জীৱন কাহিনীৰ আধাৰত নিৰ্মিত ‘12th fail’ চিনেমাখনে দৰ্শকৰ হৃদয়ত স্থান লাভ কৰিছে। মনোজৰ চৰিত্ৰত অভিনয় কৰিছিল বিক্ৰান্ত মেছিয়ে।
দুটা দশকৰো অধিক সময় ধৰি বিক্ৰান্ত মেছেই বলীউড, টেলিভিছন আৰু অ’টিটি প্লেটফৰ্মত ইটোৰ পিছত সিটোকৈ ডাঙৰ ডাঙৰ অভিনয় কৰি আহিছে। ২০০৯ চনত ‘বালিকা বধু’ নামৰ ধাৰাবাহিকখনৰ জৰিয়তে বিক্ৰান্তই চিনাকি হৈছিল। ‘12th Fail’ৰ উপৰিও ‘হাছিনা দিলৰুবা’, ‘সাবৰমতী ৰিপ’ৰ্ট’, ‘ছেক্টৰ ত্ৰিশ ছয়’ আদি চিনেমাত তেওঁৰ অভিনয়ে সমালোচকৰ লগতে দৰ্শককো আপ্লুত কৰিছে। ২০২৫ত শেষবাৰৰ বাবে দেখা পাব ছবিত।