হাজোৰ বৰম্বৈ পাহাৰৰ দাতিত ১৯৫১ চনত স্থাপিত বাপুজী সনাতন আশ্ৰমত অইন বছৰৰ দৰে এইবছৰো আঘোণ মাহৰ পূৰ্ণিমা তিথি উপলক্ষে শ্ৰী শ্ৰী বিষ্ণু অৰ্চনা দিৱস আৰু একনাম কীৰ্তন মহোৎসৱ দুদিনীয়া কাৰ্যসূচীৰে অনুস্থিত হৈছে। তদুপলক্ষে পুৱা প্ৰভাত ফেৰীৰে আৰম্ভ কৰি যুগল প্ৰসঙ্গ, আশ্ৰমৰ ধ্বজা উত্তোলন, বিষ্ণু অৰ্চনা পূজাকে ধৰি ভাগৱত পাঠেৰে প্ৰথম দিনৰ কাৰ্যসূচী সমাপ্ত হয়। ইফালে এই অনুস্থানৰ সৈতে সংগতি এক বিনামূলীয়া চিকিৎসা প্ৰদান কাৰ্যসূচীও অনুস্থিত হয়। ড° ভূৱনেশ্বৰ বৰুৱা কৰ্কট প্ৰতিস্থানৰ আন্ত: গাঠনিৰ অধীনত অনুস্থিত বিনামূলীয়া চিকিৎসা সেৱা অনুস্থানত কৰ্কট প্ৰতিস্থান খনৰ সহযোগী অধ্যাপক ড° শ্ৰাৱনা মিশ্ৰ ভাগৱতীৰ নেতৃত্বত এটি সজাতি দলে হাজোৰ কলিতাকুছি আদৰ্শ চিকিৎসালয়ৰ অধীক্ষক ড° দীনেশ দাসৰ সহযোগত বাপুজী সনাতন আশ্ৰমত প্ৰায় শতাধিক ভক্তক দিনজোৰা কাৰ্যসূচীৰে চিকিৎসা প্ৰদান কৰে। কৰ্কট ৰোগৰ কেইবাটাও লক্ষণ পৰীক্ষা কৰাৰ লগতে উচ্চ ৰক্তচাপ, মধুমেহকে ধৰি কৰ্কট ৰোগৰ সজাগতা মূলক এখন সভাও অনুষ্ঠিত কৰে।
