গোৱালপাৰা, ২ এপ্ৰিল:RABHA HASONG ELECTIONS । ৰাভা হাছং স্বায়ত্তশাসিত পৰিষদৰ ২০টা পৰিষদীয় সমষ্টিৰ নিৰ্বাচনৰ বাবে আজি পুৱা ৭ বজাৰ পৰা ভোটগ্ৰহণ আৰম্ভ হৈছে। কামৰূপ আৰু গোৱালপাৰা জিলাৰ ভোটগ্ৰহণ কেন্দ্ৰসমূহত ভোটাৰসকলে পুৱাৰে পৰা দীঘলীয়া শাৰীত থিয় হৈ নিজৰ ভোটাধিকাৰ প্ৰয়োগ কৰি আছে। নিৰ্বাচন সুষ্ঠুভাৱে সম্পন্ন কৰিবলৈ কঠোৰ নিৰাপত্তা ব্যৱস্থা গ্ৰহণ কৰা হৈছে, আৰু বিয়লি ৩ বজালৈ এই ভোটগ্ৰহণ প্ৰক্ৰিয়া চলিব।
উল্লেখযোগ্য যে, ৰাভা হাছং এলেকাত মুঠ ৩৬ টা পৰিষদীয় সমষ্টি আছে, যাৰ ভিতৰত কামৰূপ জিলাৰ ১৬ টা আৰু গোৱালপাৰা জিলাৰ ২০ টা পৰিষদীয় সমষ্টি অন্তৰ্ভুক্ত। কামৰূপ জিলাৰ ১৬ টা সমষ্টিৰ ভিতৰত ২৩ নং খালিহাকোঠ সমষ্টিৰ ৰাভা হাছং যৌথ সংগ্ৰাম সমিতিৰ প্ৰাৰ্থী নগৰমল স্বৰ্গীয়াৰী আৰু ২৫ নং হাহিম সমষ্টিৰ প্ৰাৰ্থী সোনাৰাম ৰাভা বিনা প্ৰতিদ্বন্দ্বিতাৰে জয়ী হোৱা বাবে, এই জিলাত মাত্ৰ ১৪ টা সমষ্টিত ভোটগ্ৰহণ অনুষ্ঠিত হৈছে। এই সমষ্টিসমূহৰ মুঠ ২০৯ টা ভোটগ্ৰহণ কেন্দ্ৰত আজি ভোটদান চলি আছে।
গোৱালপাৰা জিলাতো ২০ নং জয়ৰামকুচি সমষ্টিৰ বিজেপি প্ৰাৰ্থী প্ৰেমাজুলি ৰাভা বিনা প্ৰতিদ্বন্দ্বিতাৰে জয়ী হোৱাৰ বাবে ১৯ টা সমষ্টিত মাত্ৰ নিৰ্বাচন অনুষ্ঠিত হৈছে। এই জিলাৰ ৩৬২ টা ভোটগ্ৰহণ কেন্দ্ৰত ভোটগ্ৰহণ অব্যাহত আছে।
এই নিৰ্বাচনত মুঠ ৯৬ গৰাকী প্ৰাৰ্থী প্ৰতিদ্বন্দ্বিতা কৰিছে, যাৰ ভিতৰত কামৰূপ জিলাৰ ৪৪ গৰাকী আৰু গোৱালপাৰা জিলাৰ ৫২ গৰাকী প্ৰাৰ্থী অন্তৰ্ভুক্ত। কামৰূপ জিলাৰ ১৪ টা সমষ্টিত মুঠ ভোটাৰ সংখ্যা ১,৬৮,৬৬৮ গৰাকী, আনহাতে গোৱালপাৰাত ভোটাৰৰ সংখ্যা ২,৫৪,৬৪৪ গৰাকী।
বিগত কিছুদিনত ভোটপ্ৰচাৰ জোৰদাৰ হোৱাৰ পিছত ভোটগ্ৰহণ কেন্দ্ৰসমূহত ভোটাৰৰ ব্যাপক উত্সাহ পৰিলক্ষিত হৈছে। স্থানীয় ৰাইজ, দল-সংগঠন আৰু ৰাজনৈতিক মহলৰ দৃষ্টিত ৰাভা হাছং স্বায়ত্তশাসিত পৰিষদৰ এই নিৰ্বাচন বিশেষ গুৰুত্বপূৰ্ণ, যাৰ ফলাফল আগন্তুক দিনত অঞ্চলটোৰ ৰাজনৈতিক পৰিৱেশক প্ৰভাৱিত কৰিব।হৈছে ১,৬৮,৬৬৮ গৰাকী । আনহাতে, গোৱালপাৰাত ভোটাৰৰ সংখ্য়া ২,৫৪,৬৪৪ গৰাকী ।