পানী কমকৈ খালে মুখৰ দুৰ্গন্ধ হ’ব পাৰে। কাৰণ লালাত এন্টিবেক্টেৰিয়েল গুণ থাকে। কম পানী খালে লালা কম হয়।(Water) নিয়মিতভাৱে পানী খোৱাটো এটা সুস্থ জীৱনশৈলীৰ অংশ। কিন্তু বহু সময়ত আমি ব্যস্ততাৰ মাজত সময়মতে পানী খাবলৈ পাহৰি যাওঁ। ফলত শৰীৰত একাধিক সমস্যাৰ সৃষ্টি হয়।
শৰীৰত পানীৰ অভাৱ হ’লে কেইবাটাও ইংগিত পোৱা যায়। চিকিৎসকে কয়, সেই ইংগিতবোৰ কোনো ধৰণে পৰিহাৰ কৰা উচিত নহয়। কাৰণ ই শৰীৰত ডাঙৰ সমস্যাৰ সৃষ্টি কৰিব পাৰে।
এতিয়া জানো আহক পানীৰ অভাৱ হ’লে আপোনাৰ শৰীৰে কি ইংগিত দিব পাৰে! মূলতঃ তিনিটা ডাঙৰ লক্ষণৰ পৰাই বুজিব পাৰি, আপুনি নিয়মিতভাৱে পানী খোৱা নাই!
প্ৰথমতে, নিৰ্ধাৰিত পৰিমাণতকৈ কম পানী খালে মূৰৰ বিষ হ’ব পাৰে। যদি আপোনাৰ মাইগ্ৰেইনৰ সমস্যা আছে তেন্তে আপোনাৰ বাবে বিপদ। ডিহাইড্ৰেচনে মাইগ্ৰেইনক আৰু ভয়াবহ কৰি তুলিব পাৰে।
টোপনিৰ সময়ত ভৰিৰ পেশীৰ টান হোৱা। এই সমস্যা অতি সাধাৰণ। বহুতৰে এই সমস্যা হয়।ইয়াৰ বাবে শৰীৰত পানীৰ অবাৱ হয়। পৰ্যাপ্ত পৰিমাণৰ পানী খালে এই সমস্যাৰ পৰা হাত সাৰিব পাৰি।
অতি কম পানী খালে মুখৰ দুৰ্গন্ধ হ’ব পাৰে। কাৰণ লালাত এন্টিবেক্টেৰিয়েল গুণ থাকে। কম পানী খালে লালা কম হয়। ফলত মুখত বেক্টেৰিয়াৰ পৰিমাণ বাঢ়ি যায়। আৰু ইয়াৰ ফলত মুখৰ দুৰ্গন্ধ হ’ব পাৰে।
শৰীৰত পানীৰ অভাৱত কোষ্ঠকাঠিন্য হ’ব পাৰে। যদি এই সমস্যা দীৰ্ঘদিন ধৰি থাকে তেন্তে ই এক ডাঙৰ বিপদ হ’ব পাৰে।