ইণ্ডিয়াৰ সলনি দেশৰ নাম ভাৰত কৰাৰ দাবী উত্থাপন সময়তে ৱেবচাইট ব্যৱহাৰকাৰীলৈ আহিছে আন এক সংকট। ভাৰতত “ডট ইন ” ব্যৱহাৰ কৰা বহু ৱেবচাইট আছে। ইন শব্দটোৱে ইণ্ডিয়া অৰ্থাত ভাৰতৰ কথা বুজায়। এই ডট ইনৰ অৰ্থ কাউন্ট্ৰি ক’ড টপলেয়াৰ ডমেইন।
এই ৱেবচাইট সমূহে ডট ইন ব্যৱহাৰ কৰি বিশ্ববাসীক জনায় যে ডমেইন নামটো “নিক্সি ” সৃষ্টি কৰা সন্হা ইন ৰেজিষ্ট্ৰি ত পঞ্জীয়ন হৈছে। ভাৰত চৰকাৰৰ বাবে সংৰক্ষিত “গভট্ ডট ইন”। একেদৰে সৈনিকৰ বাবে “এমআইএল ডট ইন” আছুতীয়াকৈ সংৰক্ষিত কৰা হৈছে। তেনেদৰে চীনৰ বাবে “ডট চিএন”, এমেৰিকাৰ বাবে ” ডট ইউএছ ” ব্ৰিটিছৰ বাবে “ডট ইউকে” সংৰক্ষণ কৰা আছে। যদি ইণ্ডিয়াৰ সলনি ভাৰত নামাকৰণ কৰা হয় প্ৰথমেই সংকটত পৰিব “ডট ইন” ব্যৱহাৰ কৰা ৱেবচাইট সমূহ।
দেশত নতুনকৈ টপ লেয়াৰ ডমেইন সৃষ্টি কৰা হবনে তাক লৈওঁ প্ৰশ্ন উত্থাপন হৈছে। আনহাতে যদি নতুনকৈ টপ লেয়াৰ ডমেইন সৃষ্টি কৰা হয় তেতিয়া হলে ভাৰতে “বিএইচ”, “বিআৰ” অথবা “বিটি” ব্যৱহাৰ কৰাটো বাধা আহি পৰিব। কিয়নো ইতিমধ্য “বিএইচ” বাহৰেইনৰ বাবে সংৰক্ষিত হৈ আছে। একেদৰে ” বিআৰ” ব্ৰাজিলৰ বাবে আৰু “বিটি” ভূটানৰ বাবে সংৰক্ষিত হৈ আছে। এনে পৰিস্থিতিত ভাৰত চৰকাৰে ” বিএইচ এআৰ এ টি” ( অৰ্থাত ইংৰাজীত ভাৰত) অথবা “বি এইচ আৰ টি” ৰে নতুন টপ লেয়াৰ ডমেইন সৃষ্টিৰ বিকল্প নাথাকিব বুলি তথ্য প্ৰযুক্তি বিশেষজ্ঞ সকলে মত প্ৰকাশ কৰে।