প্ৰায়েই বিভিন্ন বিষয়ক কেন্দ্ৰ কৰি নৰেন্দ্ৰ মোদী নেতৃত্বাধীন কেন্দ্ৰীয় চৰকাৰক সমালোচনা কৰি অহা দেখা পোৱা যায় কংগ্ৰেছৰ প্ৰাক্তন ৰাষ্ট্ৰীয় অধ্যক্ষ ৰাহুল গান্ধীক । এইবাৰ ৰাহুল গান্ধী সৰৱ হোৱা পৰিলক্ষিত হৈছে ক’ৰ’না ভেকচিনকলৈ ।
ৰাহুল গান্ধীয়ে চৰকাৰক লক্ষ্য কৰি কয় যে, “বিশ্বৰ বিভিন্ন দেশে ক’ভিড মহামাৰীৰ সন্ত্ৰাস নিৰ্মূল কৰাৰ বাবে টীকাকৰণ অভিযান আৰম্ভ কৰিছে আৰু এতিয়ালৈকে লাখৰো অধিক লোকক এই টীকা দিয়া হৈছে কিন্তু আমাৰ ইয়াত একো পদক্ষেপ গ্ৰহণ কৰা নাই। এই পৰ্যন্ত বিশ্বৰ ২৩ লাখ লোকে এই টীকা গ্ৰহণ কৰিছে আৰু আমাৰ ইয়াৰ ক’ভিডৰ বিৰুদ্ধে টীকাকৰণ কেতিয়াৰ পৰা আৰম্ভ হ’ব ।”
ৰাহুলে টুইট কৰি প্ৰধান মন্ত্ৰী নৰেন্দ্ৰ মোদীক প্ৰশ্ন কৰি কয়, “চীন, আমেৰিকা, বৃটেইন, ৰাছিয়াত ‘ক’ভিডৰ টীকা দিয়া প্ৰক্ৰিয়া আৰম্ভ হৈছে। মোদী ডাঙৰীয়া, ভাৰতৰ নম্বৰ কেতিয়া আহিব কওক’।