ৰাজস্থান বিধানসভাৰ নিৰ্বাচন সমাগত। এনে সময়তে ৰাহুল গান্ধীয়ে পুনৰ অপৰিপক্কতা দেখুৱাইছে নেকি? নিৰ্বাচনৰ আগতে, তেওঁ স্বীকাৰ কৰিছিল যে কংগ্ৰেছে ৰাজস্থান বিধানসভাত জয়ী হ’ব বুলি দাবী কৰাৰ অৱস্থাত নাই৷ এই বছৰৰ শেষৰ ফালে পাঁচখন ৰাজ্যৰ বিধানসভা নিৰ্বাচন অনুষ্ঠিত হ’ব। ৰাহুল আত্মবিশ্বাসী যে কংগ্ৰেছে মধ্য প্ৰদেশ আৰু ছত্তীশগড়ত জিকিব। আনকি তেলেংগানাতো কংগ্ৰেছৰ প্ৰাক্তন সভাপতিজনে জয়ী হোৱাৰ বিষয়ে আত্মবিশ্বাসী। কিন্তু কংগ্ৰেছ নেতাজনে নিশ্চিতভাৱে ক’ব নোৱাৰিলে যে তেওঁৰ দলে ৰাজস্থানত জিকিব নে নাই। এক অনুষ্ঠানত, ৰাহুলক আগন্তুক পাঁচখন ৰাজ্যত কংগ্ৰেছৰ সম্ভাৱনাৰ বিষয়ে সোধা হৈছিল।ৰাহুলে কয় “এই মুহূৰ্তত, আমি তেলেংগানাৰ বিধানসভা নিৰ্বাচনত জয়ী হ’ব পাৰোঁ। আমি নিশ্চিতভাৱে মধ্য প্ৰদেশ আৰু ছত্তীশগড়ত জিকিম। আমি ৰাজস্থানত অতি কঠিন যুঁজৰ সন্মুখীন হ‘ম৷ আশা কৰোঁ, শেষত, আমি সেই ৰাজ্যখনো জিকিম। ” পাঁচ খন ৰাজ্যৰ ভিতৰত চাৰি খনতে কংগ্ৰেছে বিজয় নিশ্চিত কৰিব বুলি ৰাহুলে দৃঢ়তাৰে কয়৷ কিন্তু ৰাজস্থানৰ ক্ষেত্ৰত তেওঁৰ দাবী সিমান জোৰদাৰ হোৱা নাই ৷
তাৎপৰ্যপূৰ্ণভাৱে, ৰাহুলে ছত্তীশগড় আৰু মধ্য প্ৰদেশত কংগ্ৰেছ জিকিব বুলি জোৰ দিয়াৰ দৰে, তেওঁ ৰাজস্থানৰ ক্ষেত্ৰত একেদৰে ক‘ব নোৱাৰিলে। ৰাজস্থানৰ ওপৰত তেওঁৰ বিজয়ৰ আস্থা বহুত কমকৈ স্পষ্ট হৈ পৰে।সূত্ৰঅনুসৰি, ৰাহুলৰ ধাৰণাই সঠিক হ’ব পাৰে।