ৰাজ্যজুৰি আৰম্ভ শীতৰ প্ৰকোপ। ঘন কুঁৱলীৰ আচ্ছাদনে ঢাকিছে সমগ্ৰ ৰাজ্য। বেছিভাগেই প্ৰতিদিনে গা ধুৱে যদিও ইতিমধ্যে বহুজনে হয়টো গা ধোৱা বাদ দিছে।(Winter) কিয়নো শীতকাল আহাৰ লগে লগে দৈনন্দিন জীৱনটো অলসতালৈ ৰূপান্তৰিত হয়। অৱশ্যে, কিছুমান গৱেষণাত এইটো দাবী কৰা হৈছে যে গা ধোৱা আৰু দীৰ্ঘজীৱনৰ মাজত এক বৈজ্ঞানিক সম্পৰ্ক আছে। একাংশই দাবী কৰামতে শীতকালত গা নুধোলে জীৱনকাল ৩৪% লৈকে বৃদ্ধি হ’ব পাৰে। কিন্তু এইয়া বাৰু প্ৰকৃততে সত্য নে? এই ক্ষেত্ৰত যদি আপোনাক কোৱা হয় যে শীতকালত গা নুধুলে আপোনাৰ জীৱনকাল ৩৪ শতাংশলৈ বৃদ্ধি হ’ব পাৰে, আপুনি কি ক’ব?শেহতীয়াকৈ শীতকালত গা ধোৱা-নুধোৱাকলৈ লৈ কৰা এটা অধ্যয়নে মানুহৰ দৃষ্টি আকৰ্ষণ কৰিছে। এনেকুৱা সঁচাকৈয়ে হয় নেকি? কি আছে ইয়াৰ আঁৰৰ বৈজ্ঞানিক ৰহস্য জানো আহক।
উষ্ণতাই যে কেৱল আমাৰ স্বাস্থ্যৰ ওপৰতেই প্ৰভাৱ পেলাই এনে নহয় ই আমাৰ বয়সৰ ওপৰতো প্ৰভাৱ পেলাব পাৰে। বিজ্ঞানীসকলে বিশ্বাস কৰে যে ঠাণ্ডা পৰিৱেশে মানুহৰ বিপাকীয় কাৰ্যকলাপ হ্ৰাস কৰে যিয়ে DNAৰ ক্ষতি আৰু অক্সিডেটিভ চাপ হ্ৰাস কৰে। তদুপৰি আমাৰ বয়স বৃদ্ধি প্ৰক্ৰিয়াৰ ওপৰতো ই পোনপটীয়া প্ৰভাৱ পেলায়। সম্ভৱতঃ আমাৰ জীৱনকাল বৃদ্ধি কৰিব পাৰে। ২০১৮ চনত কৰা এক অধ্যয়নত প্ৰকাশ পোৱা তথ্য অনুসৰি ঠাণ্ডা তাপমাত্ৰাত নিগনিৰ গড় আয়ুস প্ৰায় ২০ শতাংশ বৃদ্ধি পাইছে। অৱশ্যে, মানুহৰ ওপৰত ইয়াৰ প্ৰভাৱৰ বিষয়ে কোনো দৃঢ় বৈজ্ঞানিক প্ৰমাণ উপলব্ধ নাই যদিও এই গৱেষণাই নিশ্চিতভাৱে প্ৰমাণ কৰিছে যে উষ্ণতা হ্ৰাস হোৱাৰ ফলত বয়স বৃদ্ধিৰ প্ৰক্ৰিয়াটো লেহেম হ’ব পাৰে।
ঠাণ্ডা এলেকাত বাস কৰা লোকসকলে সঁচাকৈয়ে দীঘলীয়া জীৱন যাপন কৰে নেকি? এয়া কেৱল বিজ্ঞানীসকলৰ বাবেই নহয়, সাধাৰণ লোকসকলৰ বাবেও চিন্তাৰ বিষয় হৈ পৰিছে। ইয়াৰ ক’তো প্ৰমাণ নাই যে শীতকালত গা নুধোৱাটোৱে জীৱনকাল বৃদ্ধি কৰিব পাৰে। কিন্তু এই কথা নিশ্চিত যে ঠাণ্ডা পৰিৱেশত আপোনাৰ জীৱনকাল নিশ্চিতভাৱে বৃদ্ধি পায়। গৱেষণাত কোৱা হৈছে যে ঠাণ্ডা পানীৰে গা ধোৱাটোৱে ৰক্ত সঞ্চালন আৰু মানসিক স্বাস্থ্য ভাল কৰি ৰাখে। শীতকালত ঠাণ্ডা পানীৰে গা ধোৱাৰ ফলত ৰক্ত সঞ্চালন উন্নত হয় আৰু আপোনাৰ ৰোগ প্ৰতিৰোধ প্ৰণালী শক্তিশালী কৰাত সহায় কৰে। একে সময়তে, গৰম পানীৰে গা ধুলে শৰীৰক সকাহ দিয়ে, কিন্তু ই ছালখন দীঘলীয়া সময়ৰ বাবে শুকান কৰিব পাৰে। ইফালে দীঘলীয়া সময়ৰ বাবে গা নুধোৱা বেক্টেৰিয়া জমা হয় আৰু ছালৰ সংক্ৰমণৰ আশংকা বৃদ্ধি হয়। পৰিষ্কাৰ-পৰিচ্ছন্নতা স্বাস্থ্যৰ বাবে এক অতি গুৰুত্বপূৰ্ণ পদক্ষেপ। গতিকে গা ধোৱা পৰিহাৰ কৰাৰ পৰিৱৰ্তে, শীতকালতো ঠাণ্ডা পানীৰে গা ধুব বা ঠাণ্ডা ঠাইত সময় কটোৱাৰ কথা বিবেচনা কৰিব।