মানিকপুৰৰ পাতিলাদহাত মহিলাৰ প্ৰতিবাদ। অৰুণোদয় আচনিৰ পৰা বঞ্চিত তিনি পঞ্চায়তৰ শ শ মহিলাই উলাই আহিল ৰাজপথত। জিলা উপায়ুক্তলৈ স্মাৰক পত্ৰ প্ৰদান।অসম চৰকাৰৰ জনপ্ৰিয় আচনি অৰুণোদয় আচনিৰ পৰা বঞ্চিত হৈ আছে তিনিখনকৈ পঞ্চায়তৰ শ শ মহিলা হিতাধিকাৰী। বঙাইগাঁও জিলাৰ মানিকপুৰ উন্নয়ন খণ্ডৰ অন্তৰ্গত পাতিলাদহা, পালেংবাৰী আৰু আলুখুন্দা গাওঁ পঞ্চায়তৰ কেইবা শতাধিক মহিলাই ৰাজ্য চৰকাৰৰ জনপ্ৰিয় অৰুণোদয় আচনিৰ পৰা বঞ্চিত হৈ আছে। যি সময়ত অত্যাৱশ্যকীয় সামগ্ৰীৰ আকাশলংঘী মুল্যবৃদ্ধিয়ে সৰ্বসাধাৰণ ৰাইজক জুৰুলা কৰি তুলিছে তেনেসময়ত এই তিনিখনকৈ পঞ্চায়তৰ দৰিদ্ৰ মহিলা সকলে আচনিৰ পৰা বঞ্চিত হৈ থকাত ক্ষুব্ধ হৈ পৰিছে।
এফালে মুল্যবৃদ্ধিৰ মাধমাৰ আনফালে অৰুণোদয় আঁচনিৰ পৰা সম্পূৰ্ণ বঞ্চিত হোৱা তিনি পঞ্চায়তৰ দৰিদ্ৰ মহিলাসকলে ৰাজপথত উলাই তীব্ৰ প্ৰতিবাদ সাব্যস্ত কৰে লগতে পাতিলাদহা গাওঁ পঞ্চায়তৰ সচিবৰ জৰিয়তে বঙাইগাঁও জিলা উপায়ুক্তলৈ স্মাৰক পত্ৰ প্ৰদান কৰে।