অসম ডন বস্কো বিশ্ববিদ্যালয়ত ‘অসমীয়া উন্মোচন-ভাষা প্ৰক্ৰিয়াকৰণৰ মাজেৰে এক যাত্রা’ শীর্ষক কর্মশালা…

মহানগৰীৰ পশ্চিম প্ৰান্তৰ আজাৰাস্থিত অসম ডনবস্কো বিশ্ববিদ্যালয়ৰ প্রযুক্তিবিদ্যা বিদ্যালয়ৰ উদ্যোগত ২৬ আৰু ২৭ জুলাইত বিশ্ববিদ্যালয় প্রাংগণত ‘অসমীয়া উন্মোচন। ভাষা-প্ৰক্ৰিয়াকৰণৰ মাজেৰে এক যাত্রা’ শীর্ষক এক – দুদিনীয়া কর্মশালা অনুষ্ঠিত হয়। এই কর্মশালাখন সৰ্বভাৰতীয় কাৰিকৰী শিক্ষা পৰিষদৰ ভাৰতীয় ভাষা উন্নতি সাধন আৰু উৎকৰ্ষৰ পোষকতা। আঁচনিৰ অধীনত বিশ্ববিদ্যালয়ৰ কম্পিউটাৰ বিজ্ঞান আৰু অভিযান্ত্রিক বিভাগ আৰু প্রায়োগিক কম্পিউটাৰ বিজ্ঞান বিভাগৰ যৌথ উদ্যোগত অনুষ্ঠিত কৰা হয়। ভাৰতীয় ভাষা উন্নতি সাধন আৰু উৎকর্ষৰ পোষকতা আঁচনিখনৰ লক্ষ্য হৈছে ন ভাবতীয় ভাষাসমূহৰ উন্নতি আৰু উৎকৰ্ষৰ বাবে ন পোষকতা কৰা। কম্পিউটাৰ বিজ্ঞান আৰু এ অভিযান্ত্রিক বিভাগৰ সহকাৰী অধ্যাপকদ্বয় আৰু কর্মশালাখনৰ সমন্বয়ক ডঃ মানসী হাজৰিকা আৰু স্মৃতিপ্রিয়া মেধিৰ তত্ত্বাৱধানত অনুষ্ঠিত কর্মশালাখনত অসমীয়া ভাষাত প্রাকৃতিক ভাষা সংসাধনৰ বিভিন্ন প্রণালীৰ প্রয়োগ সন্দৰ্ভত বিশেষ গুৰুত্ব আৰোপ কৰা হয়।

অসমৰ জাতীয় সংগীতেৰে আৰম্ভ হোৱা কৰ্মশালাখনত অসম ডনবস্কো বিশ্ববিদ্যালয়ৰ কম্পিউটাৰ বিজ্ঞান আৰু অভিযান্ত্রিক বিভাগৰ মুৰব্বী অধ্যাপিকা ডঃ ববি শর্মাই আদৰণী ভাষণ প্রদান কৰে। মুখ্য অতিথি হিচাপে প্রাগজ্যোতিষপুৰ বিশ্ববিদ্যালয়ৰ উপাচার্য তথা তেজপুৰ বিশ্ববিদ্যালয়ৰ অভিযান্ত্রিক বিদ্যালয়ৰ প্ৰাক্তন ডীন অধ্যাপক স্মৃতি কুমাৰ সিনহাই এক অন্তর্দৃষ্টিসম্পন্ন ভাষণ প্রদান কৰে। ভাষাবিজ্ঞানৰ কাম আৰু অসমীয়া ভাষাত প্রাকৃতিক ভাষা সংসাধনৰ বিভিন্ন কৌশল প্রয়োগ কৰাত অগ্রণী অৱদানৰ বাবে বিখ্যাত অধ্যাপক সিনহাই ভাৰতীয় ভাষাৰ ঐতিহাসিক আৰু সাংস্কৃতিক সমৃদ্ধিৰ বিষয়ে কয় লগতে প্রাকৃতিক ভাষা সংসাধনৰ ক্ষেত্রত ভৱিষ্যতৰ সম্ভাবনা আৰু প্রত্যাহানৰ এক ৰূপৰেখা দাঙি ধৰে। কর্মশালাত অসমীয়া ভাষাত আঠটা অধিবেশন অনুষ্ঠিত হয়। সমগ্র উত্তৰ-পূব ভাৰতৰ বিভিন্ন বিশ্ববিদ্যালয়ৰ অধ্যাপক সদস্যসকলে সমল ব্যক্তি হিচাপে ভাষণ প্রদান কৰে। এই অধিবেশনসমূহত প্রাকৃতিক ভাষা সংসাধন আৰু ইয়াৰ প্ৰয়োগৰ সৈতে জড়িত বিভিন্ন বিষয় সামৰি অসমীয়া ভাষা প্রক্রিয়াকৰণ প্ৰযুক্তিৰ বৰ্তমানৰ অৱস্থা আৰু ভৱিষ্যতৰ সম্ভাৱনাৰ এক বিস্তৃত আভাস প্রদান কৰা হয়। সমগ্ৰ উত্তৰ-পূব ভাৰতৰ কলেজ আৰু বিশ্ববিদ্যালয়ৰ পৰা মুঠ ৬০ জন অংশগ্রহণকাৰীয়ে অধিবেশনত সক্রিয়ভারে জড়িত হৈ ধাৰণা আৰু জ্ঞানৰ গতিশীল আদান-প্রদানত অৰিহণা যোগায়।

এই অনুষ্ঠানে অসমীয়া ভাষা প্রক্রিয়াকৰণক আগুৱাই নিয়াৰ তাৎপর্যৰ ওপৰত আলোকপাত কৰাই নহয়, এইক্ষেত্রত গৱেষণা আৰু বিকাশৰ দিশত আগুৱাই নিয়াৰ বাবেও এক সহযোগিতামূলক পৰিৱেশ গঢ়ি তুলিব। এই কর্মশালাৰ সফল ৰূপায়ণে ডিজিটেল যুগত অসমীয়াক প্ৰচাৰৰ দিশত এক উল্লেখযোগ্য পদক্ষেপ হিচাপে চিহ্নিত কৰাৰ লগতে অঞ্চলটোত ভাষা প্রযুক্তি আৰু শিক্ষাৰ উন্নতিৰ বাবে অসম ডন বস্কো বিশ্ববিদ্যালয়ৰ দায়বদ্ধতাক আলোকপাত কৰে