দৰঙৰ নামখলাত নৱ মিলন সমন্বয় সাংস্কৃতিক গোষ্ঠীৰ উদ্যোগত অনুষ্ঠিত নৃত্য, অভিনয় আৰু সুকুমাৰ কলা বিষয়ৰ কৰ্মশালাৰ শনিবাৰে সামৰণি পৰে।
শতাধিক প্ৰশিক্ষাৰ্থীয়ে ভাগ লোৱা দহ দিনীয়া কৰ্মশালাত এন এছ ডিৰ প্ৰশিক্ষক বেণু পাটোৱাৰী, নৃত্যৰ প্ৰশিক্ষক অংকুৰ বৰা, বেহাৰবাৰী আউট পোষ্টৰ বিশিষ্ট অভিনেতা অশৃণী ডেকাকে ধৰি কেবাজনো ব্যক্তি বিশিষ্ট প্ৰশিক্ষক হিচাপে উপস্থিত থাকে।
দহ দিনীয়া কৰ্মশালাৰ সফল সামৰণি অনুষ্ঠানত প্ৰশিক্ষাৰ্থী শিল্পীসকলে বিভিন্ন সাংস্কৃতিক অনুষ্ঠান পৰিবেশন কৰি উপস্থিত দৰ্শকক আমোদ দিবলৈ সক্ষম হয়।
-দ্বীপেন ডেকা, নামখলা