পাকিস্তানত মানুহৰ উশাহ-নিশাহত সমস্যাত পৰিছে। জৰুৰীকালীন অৱস্থা জাৰি কৰা হৈছে পাকিস্তানত। পাকিস্তানত প্ৰদূষণৰ মাত্ৰা এনে মাত্ৰাত উপনীত হৈছে আপুনি শুনিলে আচৰিত হ’ব। ইয়াত এখন চহৰত AQI য়ে ২০০০ ৰ ওপৰত উপনীত হৈছে। আপুনি নিশ্চয় পাকিস্তানৰ দৰিদ্ৰতাৰ কথা শুনিছে। এইবাৰ প্ৰদূষণে পাকিস্তানত অভিলেখ গঢ়িছে। পাকিস্তানৰ মুলতানত ২১০০ অতিক্ৰম কৰিলে AQI এ।(Worlds Most Polluted country)
অৰ্থাৎ বিশ্বৰ আটাইতকৈ প্ৰদূষিত চহৰখন বৰ্তমান পাকিস্তানত আছে। পাকিস্তানৰ প্ৰদূষণৰ অৱস্থা ইমানেই বেয়া হৈ পৰিছে যে সূৰ্য্যটো দেখা নাপাই জনসাধাৰণে। বাহিৰৰ বতাহ সম্পূৰ্ণ বিষাক্ত। চকুত জ্বলা-পোৰা ক’ৰে। বৰ্তমান পাকিস্তানৰ পৰিস্থিতি লকডাউনৰ দৰে হৈ পৰিছে। (Lockdown in Pakistan)
মুলতানত AQI 2135 আৰু লাহোৰত AQI 1900 ৰেকৰ্ড কৰিছে। যিটো বৰ্তমান বিশ্বৰ ভিতৰতে সৰ্বোচ্চ AQI। পাকিস্তানৰ পঞ্জাৱৰ পৰিস্থিতি এনেকুৱা যে সকলো বন্ধ কৰিবলগীয়া হৈছে। প্ৰদূষণৰ বাবে ইয়াৰ বিদ্যালয়সমূহ বন্ধ কৰি দিছিল। ৰাজহুৱা আৰু ব্যক্তিগত উদ্যান, চিৰিয়াখানা, খেলপথাৰত মানুহৰ প্ৰৱেশ নিষিদ্ধ কৰা হৈছে। লাহোৰ, গুজৰাৱালা, ফৈছালাবাদ, মুলতানত এনে পৰিৱেশৰ সৃষ্টি হৈছে। ইয়াৰ উপৰিও মুকলি আকাশৰ তলত কাম কৰা আৰু বাহিৰৰ কাম-কাজ কৰাতো বাধা আৰোপ কৰা হৈছে। কেৱল এয়াই নহয়, যিয়েই এই আদেশ উলংঘা কৰিব তেওঁক পাকিস্তান দণ্ডবিধিৰ (ধাৰা ১৮৮)ৰ অধীনত শাস্তি দিয়া হ’ব।(worlds most polluted country pakistan)
কেৱল এয়াই নহয়, প্ৰদূষণ বন্ধ কৰাত ব্যৰ্থ হোৱাৰ বাবে লাহোৰ উচ্চ ন্যায়ালয়েও চৰকাৰক তিৰস্কাৰ কৰিছে। নিশা ৮ বজাৰ পিছত দোকান বন্ধ কৰাৰ নিৰ্দেশ দিয়া হৈছে। পাকিস্তানৰ পঞ্জাৱ চৰকাৰে এই প্ৰদূষণ চম্ভালিব পৰা নাই তদুপৰি কিছুদিন পূৰ্বে ভাৰতকো ইয়াৰ বাবে জগৰীয়া কৰিছে; এতিয়া প্ৰদূষণৰ বাবে বিশ্বত লাজৰ সন্মুখীন হোৱা পাকিস্তানে প্ৰদূষণ বন্ধ কৰিবলৈ কৃত্ৰিম বৰষুণ সৃষ্টি কৰাৰ পৰিকল্পনা কৰিছে।