সমগ্ৰ বিশ্বত ক’ভিডত আক্ৰান্তৰ সংখ্যা ২০ মিলিয়ন অতিক্ৰম

দৈনন্দিন বাৰ্তা ডেস্ক : সমগ্ৰ বিশ্বত ক’ভিড-১৯ত আক্ৰান্তৰ সংখ্যা মঙলবাৰে পুৱা ২০ মিলিয়ন অতিক্ৰম কৰিলে ৷ জন হ’পকিন বিশ্ববিদ্যালয়ে এই কথা প্ৰকাশ কৰে৷ আনহাতে সমগ্ৰ পৃথিৱীত মুঠ ৭ লাখ ৩৪ হাজাৰ জন লোক ক’ৰোনাত মৃত্যু হৈছে৷ বিশ্ববিদ্যালয়খনে প্ৰকাশ কৰা মতে সমগ্ৰ বিশ্বত ক’ৰোনাত ২০,০,১১,১৮৬ জন লোক আক্ৰান্ত হৈছে আৰু ৭,৩৪,৬৬৪ জনৰ মৃত্যু হৈছে৷ ইয়াৰে ভিতৰত আমেৰিকাত ৫০৮৯৪১৬ জন আক্ৰান্ত আৰু ১৬৩৪২৫ জনৰ মৃত্যু হৈছে৷ ইয়াৰ পাচতে ব্ৰাজিলত ৩০৫৭৪৭০ জন আক্ৰান্ত হোৱাৰ লগতে ১০১৭৫২ জনৰ মৃত্যু হৈছে৷ তৃতীয় স্থানত থকা ভাৰতত ২২১৫০৭৪ জন আক্ৰান্ত হৈছে৷ আনহাতে ৰাছিয়াত ৮৯০৭৯৯, দক্ষিণ আফ্ৰিকাত ৫৬৩৫৯৮, মেক্সিকোত ৪৮৫৮৩৬, পেৰুত ৪৭৮০২৪, কলম্বিয়াত ৩৮৭৪৮১, চিলিত ৩৭৫০৪৪, ইৰানত ৩২৮৮৪৪, স্পেইনত ৩২২৯৮০, ইংলেণ্ডত ৩১৩৩৯২, ছৌদি আৰবত ২৮৯৯৪৭, পাকিস্তানত ২৮৪৬৬০, বাংলাদেশত ২৬০৫০৭ জন আক্ৰান্ত হৈছে৷ আনহাতে নিউজীলেণ্ডৰ প্ৰধানমন্ত্ৰী জাচিন্দা এৰডিৰেনে মঙলবাৰে জনায় যে অকলেণ্ডত চাৰিজন ক’ৰোনা আক্ৰান্ত ধৰা পৰিছে৷ ১০২ দিনৰ পাচত দেশখনত পুনৰ ক’ৰোনাত আক্ৰান্তৰ কথা পোহৰলৈ আহিল৷ উল্লেখ্য যে দেশখন ক’ৰোনা আক্ৰান্তৰ পৰা মুক্ত হৈ পৰিছিল৷ শেহতীয়াকৈ পুনৰ আক্ৰান্ত হোৱাত চিন্তাৰ কাৰণ হৈ পৰিছে৷