জ্যোতিষ শাস্ত্ৰৰ মতে এজন ব্যক্তিয়ে ভুগি থকা ৰোগবোৰ ৰাশিৰ লগত জড়িত। কাৰণ প্ৰতিটো ৰাশিয়ে বিভিন্ন অংগ আৰু ইয়াৰ ফলত হোৱা ৰোগবোৰৰ ইংগিত দিয়ে। জ্যোতিষত ১২টা ৰাশিৰ চক্ৰ থাকে। শিশুৰ জন্ম হ’লে সেই সময়ত গ্ৰহ, নক্ষত্ৰ আৰু যোগৰ অৱস্থানৰ ভিত্তিত তেওঁৰ ৰাশিৰ হিচাপ কৰা হয়। ৰাশি অনুযায়ী নিজৰ শৰীৰৰ যত্ন ল’লে আপুনি নিজকে ৰোগৰ পৰা বহু পৰিমাণে আঁতৰাই ৰখাত সফল হ’ব পাৰে।
মেষ ৰাশি- এই ৰাশিৰ লোকসকলে মূৰৰ বিষ, চকুৰ ৰোগ, মুখৰ ৰোগ, মাইগ্ৰেইন, হতাশা সমস্যাত ভুগি থাকে। গতিকে গভীৰ নিশালৈকে কাম কৰা পৰিহাৰ কৰিব লাগে।
বৃষ ৰাশি- হাঁপানী, চকুৰ দৃষ্টিশক্তি, নাক আৰু ডিঙিৰ ৰোগৰ লগতে বৃষ ৰাশিৰ লোকসকল সহজেই ভাইৰাছজনিত ৰোগৰ বলি হয়, সেয়েহে আপুনি আপোনাৰ ৰোগ প্ৰতিৰোধ ক্ষমতা শক্তিশালী কৰাত অধিক মনোনিৱেশ কৰিব লাগে।
মিথুন ৰাশি- এই ৰাশিৰ লোকৰ তেজৰ অভাৱ, সংক্ৰমণ, উদ্বেগ, নিউমোনিয়াৰ আশংকা বেছি।
কৰ্কট- কৰ্কট ৰাশিৰ লোক সৰু সৰু কথাবোৰক গুৰুতৰ বিষয় কৰি লৈ বিষণ্ণতাৰ বলি হয়। ধ্যান কৰাটো আপোনালোকৰ বাবে উপকাৰী হ’ব।
সিংহ- এই ৰাশিয়ে পেটক প্ৰতিনিধিত্ব কৰে, সেয়েহে সিংহ ৰাশিৰ লোকসকলে পেটৰ লগত জড়িত সমস্যা, কোষ্ঠকাঠিন্য, বদহজম ৰোগৰ প্ৰতি অধিক সচেতন হোৱা উচিত। নিয়মিত যোগাসন কৰি ফিট হৈ থাকিব পাৰিব।
কন্যা ৰাশি- কন্যা ৰাশিৰ লোকসকল পেটৰ লগত জড়িত ৰোগ যেনে এপেণ্ডিক্স, পেটৰ বিকাৰ, বদহজম, যকৃত আৰু কঁকালৰ বিষৰ প্ৰৱণতা থাকে।
তুলা- এই ৰাশিৰ লোকসকলে পৰিষ্কাৰ-পৰিচ্ছন্নতা আৰু সুষম খাদ্যৰ যত্ন লোৱা উচিত।
বৃশ্চিক ৰাশি- বৃশ্চিক ৰাশিৰ লোকসকল সহজেই পাইল, যৌন ৰোগ, ড্ৰাগছ আসক্তি আদি ৰোগৰ চিকাৰ হয়।
ধনু- এই ৰাশিৰ লোকসকলে যকৃত আৰু বৃক্কৰ লগত জড়িত ৰোগৰ প্ৰতি সতৰ্ক হ’ব লাগে আৰু মদ একেবাৰে সেৱন কৰিব নালাগে।
মকৰ ৰাশি- মকৰ ৰাশিৰ লোক মানসিক চাপমুক্ত হৈ থাকি অধিক তৰল পদাৰ্থ সেৱন কৰাটো উপকাৰী।
কুম্ভ ৰাশি- এই ৰাশিৰ লোক মানসিক ৰোগ, শৰীৰৰ ক্ৰেম্প, হাড়ৰ বিষ আদি ৰোগত আক্ৰান্ত হোৱাৰ সম্ভাৱনা বেছি।
মীন ৰাশি – মীন ৰাশি জাতক জাতিকা সকলৰ এলাৰ্জী, বাতবিষ, ছালৰ ৰোগ বেছি।