বিশ্ববিখ্যাত তবলাবাদক তথা পদ্ম বিভূষণ উস্তাদ জাকিৰ হুছেইনৰ মৃত্যু, ছান ফ্ৰান্সিস্কোত চিকিৎসাধীন অৱস্থাতে তেওঁৰ মৃত্যু হয়। আমেৰিকাত বাস কৰা ৭৩ বছৰীয়া সংগীতজ্ঞগৰাকী ৰক্তচাপৰ সমস্যাত ভুগি আছিল।(Zakir Hussain)
তথ্য অনুসৰি হুছেইনে তেওঁৰ মেনেজাৰ এণ্টনিয়া মিনিকোলাক বিয়া কৰাইছিল, যিগৰাকীও আছিল এগৰাকী কথক নৃত্যশিল্পী আৰু শিক্ষয়িত্ৰী। তেওঁলোকৰ দুগৰাকী কন্যা সন্তান আছে – অনিছা আৰু ইছাবেলা। অনিছাই ইউ চি এল এ (ইউনিভাৰ্চিটি অৱ কেলিফৰ্নিয়া, লছ এঞ্জেলছ)ৰ পৰা অধ্যয়ন কৰি ছবি নিৰ্মাণ কৰে। ইছাবেলাই মানহাটানত নৃত্য শিকি আছে।(Zakir Hussain Passes Away)
‘হুছেইন’ক ৫টা গ্ৰেমী বঁটাৰে সন্মানিত কৰা হৈছিল-
মহান তবলাবাদক আল্লাহ ৰাখাৰ জ্যেষ্ঠ পুত্ৰ জাকিৰ হুছেইনে পিতৃৰ পদাংক অনুসৰণ কৰি ভাৰতৰ লগতে সমগ্ৰ বিশ্বতে নিজৰ নাম অৰ্জন কৰিছে। হুছেইনে নিজৰ কেৰিয়াৰত পাঁচটা গ্ৰেমী বঁটা লাভ কৰিছে, ইয়াৰে তিনিটা চলিত বৰ্ষৰ আৰম্ভণিতে ৬৬ সংখ্যক গ্ৰেমী বঁটা লাভ কৰিছিল। ভাৰতৰ অন্যতম প্ৰখ্যাত শাস্ত্ৰীয় সংগীতজ্ঞ হুছেইনে ১৯৮৮ চনত পদ্মশ্ৰী, ২০০২ চনত পদ্মভূষণ আৰু ২০২৩ চনত পদ্মবিভূষণ বঁটা লাভ কৰে।
নেট ৱৰ্থ কিমান?
তথ্য অনুসৰি জাকিৰ হুছেইনৰ মুঠ সম্পত্তিৰ পৰিমাণ প্ৰায় ৫-৬ কোটি টকা। ভাৰত আৰু বিদেশৰ সংগীতৰ ক্ষেত্ৰত তেওঁৰ সফলতাৰ বাবে তেওঁক শাস্ত্ৰীয় সংগীতৰ অন্যতম ধনী আৰু সন্মানীয় সুৰকাৰ বুলি গণ্য কৰা হয়।
৭৩ বছৰ বয়সত পৃথিৱীৰ পৰা বিদায় ল’লে বিখ্যাত তবলা মেষ্ট্ৰ’ জাকিৰ হুছেইনে। ছান ফ্ৰান্সিস্কোৰ এখন চিকিৎসালয়ত শেষ নিশ্বাস ত্যাগ কৰে মহান শিল্পীগৰাকীয়ে। তেওঁৰ মৃত্যুৰ খবৰ পাই সকলোৱে শোক প্ৰকাশ পৰিছে। বহু চেলিব্ৰিটিৰ লগতে বহু অনুৰাগীয়ে তেওঁক শ্ৰদ্ধাঞ্জলি জনাইছে। ৰণবীৰ, কৰীনা, অমিতাভ আৰু মলাইকাইও শ্ৰদ্ধাঞ্জলি জ্ঞাপন কৰে।