Zubeen Garg । জুবিন গাৰ্গে কোনটো ভাষাত গান গোৱা নাই । জুবিন গাৰ্গক অকল কন্ঠশিল্পী বুলি কলে ভূল কোৱা হ’ব । সমাজৰ আৰ্তজনৰ কাষত থিয় দিয়া ব্যক্তি জুবিন গাৰ্গ । প্ৰজন্মৰ হাৰ্টথ্ৰব জুবিন গাৰ্গে অসমীয়া, হিন্দী, বঙালীকে ধৰি বিভিন্ন ভাষা আৰু উপ-ভাষাত প্ৰায় ৯,০০০তকৈ অধিক গীত গাইছে। জুবিন গাৰ্গক জীৱিত কালতে সন্মান দিয়া প্ৰয়োজন , প্ৰকৃতি ভালপোৱা জুৱিন গাৰ্গে সাধাৰণ মানুহক ভাল পায় । মানুহৰ লগতে থাকি ভালপোৱা এগৰাকী প্ৰসিদ্ধ কণ্ঠশিল্পী জুবিন গাৰ্গে ।
তথাপিও জুবিন গাৰ্গৰ সৃষ্টিৰাজিয়ে যিখিনি সন্মান পাব লাগিছিল সেইখিনি পোৱা দেখা নাযায় ৷ দুটা দশকৰো অধিক কাল অসমীয়া সংগীত জগতৰ ভঁৰাল চহকী কৰা জুবিন গাৰ্গৰ দৰে স্বনামধন্য সংগীত শিল্পী এজনক যেতিয়া কেৱল এজন “জনপ্ৰিয় গায়ক” হিচাপে প্ৰক্ষেপিত কৰি শিৰোনামা প্ৰকাশ কৰা হয় তেতিয়াই জুবিন গাৰ্গ সম্পৰ্কে মানুহৰ অজ্ঞতা কিমান পৰ্যায়ৰ তাক চিনিব পাৰি। ‘অনামিকা” শ্ৰব্য এলবামৰ যোগেদি এজন সফল গীতিকাৰ আৰু সুৰকাৰ হিচাপে নব্বৈৰ দশকতেই নিজৰ পৰিচয় দি থৈছে৷ “বেদনাৰ জ্বলা জুঁই কেতিয়া নুমাবা” বুলি ‘অনামিকা’ৰ প্ৰতি
আৱেগিক প্ৰশ্ন কৰা সেই জুবিনৰ কলমৰ পৰা আজিও নিগৰিত হৈ আছে এনে বহু চিৰসেউজ গীতৰ কলি।
ভাৰতৰ এগৰাকী প্ৰসিদ্ধ কণ্ঠশিল্পী। ইয়াৰ উপৰিও তেওঁ এগৰাকী সংগীত পৰিচালক, গীতিকাৰ আৰু চলচ্চিত্ৰ অভিনেতা।
অসমীয়া, হিন্দী ভাষা, বঙালী, বড়ো, কোচ-ৰাজবংশী, কমতাপুৰী, গোৱালপাৰীয়া, চাহ বাগানীয়া, হাজং, মিচিং, কাৰ্বি, গাৰো, ৰাভা, ডিমাচা, টাই-আহোম, নেপালী, ভোজপুৰী, বিষ্ণুপ্ৰিয়া মণিপুৰী, ককবৰক, ওড়িয়া, তামিল, তেলুগু, কন্নড়, ইংৰাজী, আদি, গালো, মালয়ালম, মাৰাঠী আদি বিভিন্ন ভাষাত তেওঁ কণ্ঠদান কৰিছে ।
১৯৯২ চনত জুবিনৰ প্ৰথমটো এলবাম অনামিকাৰ পৰা আৰম্ভ কৰি বৰ্তমানলৈ জুবিন গাৰ্গে সৃষ্টী কৰি গৈছে ।
আমি জুৱিন গাৰ্গৰ ভাল কথাবোৰ আলোচনা কৰাৰ প্ৰয়োজন আছে । হিৰুদাই কেনেকৈ জুবিন গাৰ্গক বুকুত সোমাই লৈছিল । নিজস্ব সৃষ্টিৰাজিৰে তথা স্বকীয় প্ৰকাশভংগীৰে জীৱন্ত কিংবদন্তিলৈ ৰূপান্তৰিত হোৱা জুবিন গাৰ্গৰ অসমীয়া সংগীত জগতলৈ অৱদান সম্পৰ্কে নতুনকৈ কোৱাৰ হয়তো কোনো প্ৰয়োজন নাই।
কেতিয়াবা যদি প্ৰকৃতিৰ সৌন্দৰ্যৰ মাজত প্ৰেমৰ সন্ধান বিচাৰি “কঁকাল খামুচীয়া গাল গুলপীয়া/তুমি কোন সৰগৰ পৰী..”
ৰ দৰে গান লিখিছে কেতিয়াবা আকৌ সোণৰ অসম গঢ়াৰ আহ্বান গীতৰ মাজেৰেই প্ৰকাশ কৰিছে!
“শান্তি দিয়া/মুক্তি দিয়া/সোণৰ অসম ৰচিবলৈ/সেউজ দিয়া/শস্য দিয়া/চিৰকাল ফুলিবলৈ..” । ইয়াৰ উপৰিও ৰাজনৈতিক নেতা সকলক উদ্দেশ্য কৰি জুবিন গাৰ্গে কন্ঠ দান কৰিছিল – পলিটিক্স নকৰিবা বন্ধু!…. সংগীত পৰিচালক হিচাপেও বাংলা আৰু অসমীয়া ছবি জগতত জুবিন গাৰ্গৰ এক সুকীয়া পৰিচয় আছে ৷ ২০০০ চনতে মুনিন বৰুৱাৰ ”হিয়া দিয়া নিয়া” ছবিখনত সংগীত পৰিচালক হিচাপে আত্মপ্ৰকাশ কৰা জুবিন গাৰ্গে প্ৰমান কৰি দিছিল নিজৰ স্বকীয় দক্ষতাৰ কথা । শেষতীয়াকৈ “ৰত্নাকৰৰ(২০১৯)” ছবিখনতো সংগীত পৰিচালক হিচাপে আছিল প্ৰজন্মৰ হাৰ্টথ্ৰব জুবিন গাৰ্গ ।
